PASEOS MATEMÁTICOS POR OLEIROS: FAROS DE MERA



Os chamados faros de Mera son en realidade dúas torres de enfilación deseñadas por Rafael de la Cerda e construídas en 1917. Están situadas dentro do Monumento Natural da Costa de Dexo-Serantes.

As torres de enfilación son elementos que permiten que as embarcacións observen unha liña imaxinaria que poden seguir con seguridade. No caso dos faros de Mera permiten a entrada ao porto da Coruña. Podiamos relacionar esa liña con ángulos e trigonometría, pero imos fixarnos noutras cousas.





O primeiro que podemos observar é que os dous edificios teñen unha forma similar. Porén non podemos dicir que son semellantes no sentido matemático, xa que as súas dimensións non son proporcionais. Tamén podes ver que teñen unha decoración diferente.



A torre anterior, a máis próxima ao mar, mide 11 metros de altura, mentres que a posterior, situada a 81 metros sobre o nivel do mar, chega aos 14 metros. Ambas as torres teñen unha planta octogonal. Podemos buscar faros con outras formas xeométricas na súa planta: cadrado (Torre de Hércules), hexágono (faro da punta Candieira, en Cedeira) ou círculo (faro de cabo Ortegal).


No concello de Oleiros existen outras dúas torres de enfilación, as da punta Fieiteira, cada unha dun lado da avenida Che Guevara. Podes aproveitar un paseo e ver o diferente que son das de Mera.

Localización: 43º 22' 57" N - 8º 21' 4" W

Para saber máis:


Comentarios

Publicar un comentario

Entradas populares de este blog

XIV CONCURSO INCUBADORA DE SONDAXES E EXPERIMENTOS

Imagen
Brais Barbeito Romano, alumno de 2º de Bacharelato, recibiu a mención da súa categoría no concurso Incubadora de Sondaxes e Experimentos, organizado pola Sociedade Galega para a Promoción da Estatística e da Investigación de Operacións (SGAPEIO) polo seu traballo  Os números do fútbol , en que estudou a realidade ou non dalgúns mitos dese deporte. O venres día 7 de xuño acudiu á Facultade de Matemáticas da Universidade de Santiago de Compostela a recoller o seu recoñecemento. Alí volveu coincidir coa súa titora no proxecto STEMBach, a profesora María José Ginzo Villamayor.
Leer más

I CONCURSO DE FOTOGRAFÍA MATEMÁTICA

Imagen
Co obxecto de fomentar a competencia matemática e a creatividade, e dentro das actividades desenvolvidas para a conmemoración do Día Internacional das Matemáticas, convocamos o primeiro concurso de fotografía matemática no IES María Casares. Os gañadores foron: Categoría A: 1º premio  "Geometría hacia el Cielo"  - Daniel Raposeiras 2º ESO B 2º premio   "Recta de Sol entre 90º de Montaña"  - Irene Santomé 2º ESO B Accésit 1  "Fractales Soleados " - Autora Descoñecida Accésit 2  "Fruta Áurea"  - Nuno Bravo 2º ESO B Categoría C: 1º Premio  "O Caracol de Fibonacci"  - Manuel Seoane Siso 1º Bach C 2º Premio  "Laranxa e Círculo"  - Samuel Ríos Mosquera 1º Bach C Se queredes ver todas as fotos participantes pincha no seguinte enlace: https://fotomate-iesmariacasares.blogspot.com/ Parabéns para tod@s e grazas  pola vosa colaboración. "Geometría hacia el Cielo" "Fractales Soleados " "O Caracol de Fibonacci...
Leer más

MATEMÁTICAS NO STEMBACH

Imagen
Coa avaliación ordinaria en 1º e 2º de Bacharelato finalizaron tamén as actividades no proxecto STEMBach, moitas delas moi relacionadas coas matemáticas. O 13 de xuño despedimos por este curso o alumnado de 1º, que xa está en contacto coas universidades iniciando os proxectos que exporán o próximo curso. Aproveitamos tamén para despedir a promoción 2022-2024, que finalizou con éxito o programa. Entre eles tivemos dous proxectos de matemáticas: Os números do fútbol , de Brais Barbeito, e El cubo de Rubik , de Jaime Ortega. Ademais foi un momento para lembrar os recoñecementos que recibiron durante este curso: Tres equipos do centro chegaron á fase final da Competición Estatística Europea : Casares1 (José Ángel Herrera, Manuel Seoane e Diego Torres), Casares2 (Carlos Barreiro) e Casares33 (Rui Alexandre, Nicolás Cofán e Iker Díaz). Participaron en total 1086 equipos. Todo o alumnado do STEMBach participou no Canguro Matemático . De entre os máis de 2000 alumnos na súa c...
Leer más