Universo Matemático IMC

O pasado 14 de marzo (Día Internacional das Matemáticas), o alumnado do Club de Ciencia acudiu a PALEXCO, onde se celebraba a tradicional Feira Matemática. Alí mostraron a todos os asistentes o traballo que estiveron a facer no club: un paseo matemático con actividades arredor no instituto. Explicaron como crearon as probas e ademais como construíron o paseo en diferentes formatos: papel, dixital, vídeo... Chamou moito a atención a detallada maqueta do centro que á parte de detectores de luz e movemento permitían o acceso aos vídeos e ás probas mediante códigos QR.

O 22 de xaneiro o alumnado de 1º Bacharelato de Ciencias asistiu á charla impartida pola profesora da USC Maribel Borrajo. Con ela descubriron como a estatística traballa en ámbitos tan diferentes como a análise da climatoloxía, o estudo de enfermidades ou a criminalidade e polo tanto é unha interesante ferramenta para resolver moitos problemas da sociedade.

Nestes paseos matemáticos xa exploramos varias igrexas do concello, o que nos permitiu ver diferentes estilos arquitectónicos. Desta vez imos dar un salto de séculos e observar a nova igrexa de Santa Cruz. A igrexa foi encargada en 1966 por Josefa Rosa Alonsa, viúva de Leopoldo Abente para que fose construída nun terreo da súa propiedade. O seu autor foi o recoñecido arquitecto Miguel Fisac, que posteriormente recibiu a Medalla de Ouro da Arquitectura (1994) e o Premio Nacional de Arquitectura (2003). Se comparamos este edificio con outras igrexas das que falamos neste blog o primeiro que chama a atención é que a forma é totalmente diferente ás anteriores. As outras eran fundamentalmente de pedra, mentres que esta é de formigón. E se naquelas as formas básicas eran rectángulos e liñas rectas, agora o que dominan son as curvas, como podemos ver no seu plano. Nos séculos que separan unhas das outras houbo por suposto moitos cambios. Por unha parte a...

  Dentro  das actividades desenvolvidas este ano para a conmemoración do Día Internacional das Matemáticas e c o obxecto de fomentar a competencia matemática e a creatividade, convocamos o segundo concurso de fotografía matemática no IES María Casares. Os gañadores foron: Categoría E.S.O.: 1º premio  "8x"  - Inés Santiago 4º A 2º premio  "Portal geométrico"  - Manuel Reborido 3º ESO A 3º premio  "Simetría en Florencia " - Sabela Mera 3º ESO D Categoría Bacharelato: 1º Premio  "A xeometría celestial "-  Ricardo Moar 1º Bach A Aquí tedes as fotos gañadoras.  Parabéns para tod@s e grazas pola vosa colaboración.                                                                                 ...

O pasado 22 de marzo, o alumnado do Club de Ciencia participou na Feira Matemática que cada ano se celebra en PALEXCO organizada por AGAPEMA. Na feira instalaron un stand no que mostraron ás persoas asistentes sorprendentes ilusións ópticas que eles mesmos investigaron os luns no club, ademais de probar a súa capacidade de observación e atención.                              

Francisco Pena Brage O día 26 de novembro, o alumnado de 1º de  Bacharelato de Ciencias asistiu a unha charla  impartida polo investigador da Universidade  de Santiago de Compostela Francisco Pena  Brage. Nela coñeceron como se emprega na  actualidade a informática aplicada a diferentes  ámbitos da investigación: física, medicina,  economía... E como as ecuacións matemáticas poden trasladarse en modelos que  fan máis fáciles estas investigacións.