PASEOS MATEMÁTICOS POR OLEIROS: PARQUE MARÍA WONENBURGER

Nesta ocasión, nestes paseos matemáticos que facemos por Oleiros imos visitar un parque. Pero non porque haxa elementos xeométricos, que os hai (bancos con forma de ortoedro, papeleiras cilíndricas, xogos infantís con forma piramidal...), senón polo seu nome.

En 2012 o concello de Oleiros bautizou este espazo como parque María Wonenburger Planells, que foi unha ilustre matemática.


María Josefa Wonenburger naceu en Montrove no verán de 1927, no seo da familia coruñesa dos Wonenburger, que se dedicaban á fundición. Precisamente, a familia quería que estudase enxeñaría para seguir no negocio, pero ela tiña un grande aprecio polas matemáticas, así que marchou a Madrid a estudar na universidade.

Conseguiu entón unha bolsa para ir estudar ao estranxeiro e marchou á universidade Yale, onde presentou en 1957 a súa tese de doutoramento sobre álxebra. Porén, cando volveu a España non lle recoñeceron o título, polo que tivo que redactar unha segunda tese.

Como en España non vía posibilidades de traballar, en 1960 marchou de novo e tras pasar por varias universidades dos Estados Unidos e o Canadá ata que en 1967 obtivo unha praza como profesora na Universidade de Indiana.

En 1983 volveu á Coruña para coidar a súa nai e abandonou a investigación matemática. Faleceu nesa cidade no ano 2014.


Posiblemente a moita xente se se lle pide que diga o nome dun matemático (non digamos dunha matemática) posiblemente lle custe un pouco dar algún nome: talvez Pitágoras e Tales, polos seus teoremas, ou Arquímedes. Quizais coñeza a Newton ou a Descartes pero non os relacione directamente coas matemáticas. Ou igual lembra que viu filmes sobre Nash ou Turing...

Pero por suposto que moitos matemáticos fixeron traballos útiles e moi recoñecidos. Por exemplo, aquí tes unhas fotos de rúas da Coruña dedicadas a estes científicos:

Tócache a ti investigar quen foron os dous de abaixo.

E postos a recoñecer, hai quen decide erixir estatuas a matemáticas polo seu traballo, como esta de Turín:

Localización: 43º 19' 46" N - 8º 21' 48" W

Para saber máis:




Comentarios

Publicar un comentario

Entradas populares de este blog

REMATE DE CURSO:

Imagen
Como remate das actividades desenvolvidas polo Departemento de Matemáticas, realizamos a entrega duns detalles ao alumndado que participou nalgunha das nosas actividades complementaria ou extraescolares, como recoñecemento á súa colaboración. Entre esas actividades, destacar a participación no Rally Matemático, a Olimpíada Matemática e a Feira Matemática. Parabéns para o alumnado e o profesorado implicado, e tamén para as súas familias pola súa colaboración.
Leer más

XVI FEIRA MATEMÁTICA

Imagen
O pasado 15 de abril celebrouse unha nova edición da Feira Matemática (e xa van XVI) en PALEXCO (A Coruña). E unha vez máis o Club de Ciencia do IES María Casares participou levando o traballo que estivemos a realizar estes meses no departamento de Matemáticas. O alumnado que puido estar no stand ensinou ao numeroso público que se achegou que son os mosaicos e como se poden construír. Ademais, como tamén puideron deseñar algúns deles para imprimilos en 3D coa axuda do departamento de Tecnoloxía tiñamos moitos exemplos e a xente podía intentar ver como podían cubrir todo o plano con esas pezas sen deixar ocos. Algúns non eran fáciles pero aínda así non paraban ata conseguilo. Facendo quendas ao longo do día, estiveron no posto Alicia, Alba, Leire, Iago, Daniela, Irene Gestal e Irene Nimo de 1º ESO e Manuel de 1º Bacharelato. Xestionaron moi ben todas as visitas que houbo (que foron moitas), explicaron todo e ademais pasárono moi ben. Aquí vos deixamos algunha foto mais dos nosos represe
Leer más

PASEOS MATEMÁTICOS POR OLEIROS: TRANSFORMACIÓNS XEOMÉTRICAS

Imagen
Este paseo matemático vai ser diferente dos habituais, porque haberá máis explicación matemática que nos outros. Pero se les ata o final verás que pode ser interesante. Unha transformación xeométrica dunha figura plana convértea nunha figura homóloga. Por exemplo, podemos tomar a seguinte figura, unha elipse: A partir do punto P e transformar a elipse noutras semellantes, aínda que diferente tamaño. Isto é o que se chama homotecia . Un tipo interesante de transformacións xeométricas son aquelas que conservan o tamaño e a forma inicial, o que non pasaba coas elipses. Estas transformacións chámanse movementos ou isometrías, e existen catro diferentes. Un xiro consiste en tomar a figura e movela arredor dun punto (centro) un determinado ángulo. Podemos facelo na seguinte figura, que é similar a un sector circular: Se tomamos a figura e a xiramos arredor do punto P obtemos as seguintes novas figuras: Unha simetría axial actúa de xeito semellante a un espello. Se vemos   seguinte imax
Leer más